Bi greba sonatu egin dituzte Ariznavarrako emakumeek: lehenbizikoa (zortzi hilabetekoa), 2002tik 2003ra; bigarrena (1.136 egunekoa), 2008ko otsailaren 18tik 2010eko abenduaren 16ra.
Ez da izan, guk dakigula, lan-gatazka hain luzerik Europa osoan, ezta, seguru aski, borrokarako irmotasun, konfiantza eta trinkotasun hain eredugarririk ere. “Hain zen nabarmena arrazoi genuela, ezen aurrera egitea beste biderik ez geneukan”. Horrela laburbildu dute egoera ordezkari sindikalek (ELAkoak, guztiak).
